“Энг гўзал ҳикоятлар-2” танловининг ғолиблари аниқланди

Рукн: Янгиликлар Чоп этилган: 11.06.2018

www.ziyouz.uz ва www.qadriyat.uz сайтлари эълон қилган “Энг гўзал ҳикоятлар-2” танлови якунланди. Унда мухлислар энг гўзал ҳикоятлар таржимаси ва ўзлари ҳамда яқинлари ҳаётида юз берган реал воқеликлар тасвир этилган ҳикоялар билан иштирок этдилар. Танловга 200 дан ортиқ ҳикоя келиб тушди. Шундан танлов шартларига мос келадиган 125 таси сайтимизда чоп этилди.

Ғолибларни аниқлашда ҳикоянинг мазмуни, долзарблиги, унинг сайт ва ижтимоий саҳифаларимизда оммабоп бўлганлиги, матннинг бадиий хусусиятлари, эътиборга олинди. Улардан энг яхшилари олим, филолог, журналист, ёзувчи, ноширларлардан иборат 15 нафар экспертларга юборилди. Холисликни таъминлаш мақсадида ҳакамларга ҳикоянинг матнигина ҳавола қилинди (муаллифи билдирилмади). Ҳакамлар берган баҳолар умумлаштирилиб, энг юқори ўринлар аниқланди.

“Энг гўзал ҳикоятлар-2” танлови ғолиблари билан танишинг.

1-ўрин. “Сизни, отамни ва ёқтирган оёқ кийимимни қолдириб келдим…” ҳикояси. Таржимон: Муҳаммад Мубийн. Ғолибга Шайх Муҳаммад Содиқ Муҳаммад Юсуф раҳимаҳуллоҳнинг 6 жилдли “Тафсири ҳилол” тўплами тақдим этилади.

2-ўрин. “Ўриндиқда қолдирилган тиллалар” ҳикояси. Муаллиф: Нурбек Тошниёз. Ғолибга Аҳмад Лутфий Қозончининг 4 жилдлик “Саодат асри қиссалари” китоби ва  Зиёвуддин Раҳимнинг “Бахтли ҳаёт сари” китоби тақдим этилади.

3-ўрин. “Нажот қўнғироғини ким босган эди?” ҳикояси. Таржимон: Абдуллатиф Абдуллаев. Ғолибга Шайх Муҳаммад Содиқ Муҳаммад Юсуф раҳимаҳуллоҳнинг 2 жилдли “Ислом тарихи” китоби тақдим этилади.

3-ўрин. “Қуръон зиёфати... бўлмади” ҳикояси. Муаллиф: Рустамжон Ҳасанов. Ғолибга Шайх Муҳаммад Содиқ Муҳаммад Юсуф раҳимаҳуллоҳнинг 2 жилдли “Ислом тарихи” китоби тақдим этилади.

3-ўрин. “Агар бир ой умрингиз қолса...” ҳикояси. Таржимон: Марям Осиё. Ғолибга Шайх Муҳаммад Содиқ Муҳаммад Юсуф раҳимаҳуллоҳнинг 2 жилдли “Ислом тарихи” китоби тақдим этилади.

4-ўрин. “Яхшиямки, туғилган экансан, болам” ҳикояси. Таржимон: Фатима Алий. Ғолибга Сафиюрраҳмон Муборакфурийнинг “Ар-Раҳиқул махтум” (Расулуллоҳ с.а.в. сийратлари) китоби тақдим этилади.

Танлов ғолибларига мукофотлар етказилади (Тошкент шаҳридан бошқа жойларга Ўзбекистон бўйлаб почта орқали юборилади). Ғолиблардан ташкилотчилар билан боғланишлари сўралади.

www.ziyouz.uz va www.qadriyat.uz saytlari e’lon qilgan “Eng go‘zal hikoyatlar-2” tanlovi yakunlandi. Unda muxlislar eng go‘zal hikoyatlar tarjimasi va o‘zlari hamda yaqinlari hayotida yuz bergan real voqeliklar tasvir etilgan hikoyalar bilan ishtirok etdilar. Tanlovga 200 dan ortiq hikoya kelib tushdi. Shundan tanlov shartlariga mos keladigan 125 tasi saytimizda chop etildi.

G‘oliblarni aniqlashda hikoyaning mazmuni, dolzarbligi, uning sayt va ijtimoiy sahifalarimizda ommabop bo‘lganligi, matnning badiiy xususiyatlari, e’tiborga olindi. Ulardan eng yaxshilari olim, filolog, jurnalist, yozuvchi, noshirlarlardan iborat 15 nafar ekspertlarga yuborildi. Xolislikni ta’minlash maqsadida hakamlarga hikoyaning matnigina havola qilindi (muallifi bildirilmadi). Hakamlar bergan baholar umumlashtirilib, eng yuqori o‘rinlar aniqlandi.

“Eng go‘zal hikoyatlar-2” tanlovi g‘oliblari bilan tanishing.

1-o‘rin. “Sizni, otamni va yoqtirgan oyoq kiyimimni qoldirib keldim…” hikoyasi. Tarjimon: Muhammad Mubiyn. G‘olibga Shayx Muhammad Sodiq Muhammad Yusuf rahimahullohning 6 jildli “Tafsiri hilol” to‘plami taqdim etiladi.

2-o‘rin. “O‘rindiqda qoldirilgan tillalar” hikoyasi. Muallif: Nurbek Toshniyoz. G‘olibga Ahmad Lutfiy Qozonchining 4 jildlik “Saodat asri qissalari” kitobi va  Ziyovuddin Rahimning “Baxtli hayot sari” kitobi taqdim etiladi.

3-o‘rin. “Najot qo‘ng‘irog‘ini kim bosgan edi?” hikoyasi. Tarjimon: Abdullatif Abdullaev. G‘olibga Shayx Muhammad Sodiq Muhammad Yusuf rahimahullohning 2 jildli “Islom tarixi” kitobi taqdim etiladi.

3-o‘rin. “Qur’on ziyofati... bo‘lmadi” hikoyasi. Muallif: Rustamjon Hasanov. G‘olibga Shayx Muhammad Sodiq Muhammad Yusuf rahimahullohning 2 jildli “Islom tarixi” kitobi taqdim etiladi.

3-o‘rin. “Agar bir oy umringiz qolsa...” hikoyasi. Tarjimon: Maryam Osiyo. G‘olibga Shayx Muhammad Sodiq Muhammad Yusuf rahimahullohning 2 jildli “Islom tarixi” kitobi taqdim etiladi.

4-o‘rin. “Yaxshiyamki, tug‘ilgan ekansan, bolam” hikoyasi. Tarjimon: Fatima Aliy. G‘olibga Safiyurrahmon Muborakfuriyning “Ar-Rahiqul maxtum” (Rasululloh s.a.v. siyratlari) kitobi taqdim etiladi.

Tanlov g‘oliblariga mukofotlar yetkaziladi (Toshkent shahridan boshqa joylarga O‘zbekiston bo‘ylab pochta orqali yuboriladi). G‘oliblardan tashkilotchilar bilan bog‘lanishlari so‘raladi.

Мулоҳаза қўшиш


Ҳимоя коди
Янгилаш