2017 йилдаги диний-маърифий соҳадаги энг муҳим ислоҳотлар

Рукн: Янгиликлар Чоп этилган: 29.12.2017

2017 йил диний-маърифий соҳада ҳам ислоҳотларга, яхши хабарларга бой йил бўлди. Ўтаётган йилда диний-маърифий соҳадаги ўзгаришлар акс этган энг асосий янгиликларни эслаб ўтамиз.  

2017 йил 17 январь. 2017 йилдан ўзбекистонлик фуқаролар учун ҳаж квотаси 7200 нафар қилиб белгиланди (илгари бу кўрсаткич 5200 нафар эди).

2017 йил 14 февраль. Имом Термизий халқаро илмий-тадқиқот марказини ташкил этиш чора-тадбирлари тўғрисида Ўзбекистон Республикаси Президентининг Қарори имзоланди.

2017 йил 31 май. 2017 йилдан ўзбекистонлик фуқаролар учун умра квотаси 10000 нафар қилиб белгиланди (илгари бу кўрсаткич 6000 нафар эди).

2017 йил 27 июль. Ўзбекистон Мусулмонлари идораси томонидан тафсир, ақида, фиқҳ, ҳадис шарҳи, тажвид ва араб тили фанларидан онлайн дарслар ташкил этилди.

2017 йил 2 август. «Ўзбекистон Республикаси Вазирлар Маҳкамаси ҳузуридаги Ўзбекистондаги Ислом маданияти маркази фаолиятини ташкил этиш тўғрисида» Ўзбекистон Республикаси Вазирлар Маҳкамасининг қарори қабул қилинди.

2017 йил 6 сентябрь. Бухородаги Баҳовуддин Нақшбанд мажмуасида янги ташкил этилган Бухоро Олий мадрасанинг очилиш маросими бўлиб ўтди.

2017 йил 13 сентябрь. «O‘zbekiston» телерадиоканалининг «Ҳидоят сари» студияси ва Тошкент Ислом университети «Зиё медиа маркази» фаолиятини ташкил этиш чора-тадбирлари тўғрисида» Ўзбекистон Республикаси Вазирлар Маҳкамасининг қарори қабул қилинди.

2017 йил 14 сентябрь. Тошкент ислом институтида олий диний ўқув юртидан кейинги таълим – ислом фанлари бўйича фалсафа доктори (PhD) илмий даражасини беришни назарда тутувчи таянч докторантура ҳамда ислом фанлари бўйича фан доктори (Doctor of Science) илмий даражасини беришни назарда тутувчи докторантура тизими ташкил этилди.

2017 йил 30 сентябрь. Республикамизда фаолият юритаётган икки мингдан зиёд масжидларни олий диний маълумотга эга имом-хатиблар билан таъминлаш мақсадида Имом Бухорий номидаги Тошкент ислом институтида Махсус сиртқи бўлим ташкил этилди.

2017 йил 30 сентябрь. Диний-экстремизм фаолиятига адашиб жалб қилинган шахслардан 16 мингдан зиёди ҳуқуқни муҳофаза қилиш органлари «қора рўйхати»дан чиқарилди.

2017 йил 5 октябрь. Ўзбекистон мусулмонлар идораси тасарруфидаги диний таълим муассасаларига талабаларни қабул қилиш квоталари ўтган йилга нисбатан икки баробарга оширилди.

2017 йил 18 октябрь. Тошкент шаҳридаги Симпозиумлар саройида “Ислом ҳамжиҳатлиги: Ўзбекистон ва Озарбайжон мисолида” мавзуида халқаро илмий-амалий конференция бўлиб ўтди.

2017 йил 2 ноябрь. Ўзбекистондаги масжидларда овоз кучайтиргичлар орқали азон айтила бошланди.

2017 йил 6 ноябрь. Ўзбекистонда “Ҳалол” стандарти жорий қилинди. Ўзбекистон Республикаси Президенти Шавкат Мирзиёев «Мева сабзавот маҳсулотлари, узум, полиз, дуккакли экинлар, шунингдек қуритилган сабзавот ва меваларни маҳаллий экспорт қилувчиларни қўллаб-қувватлаш бўйича чора-тадбирлар тўғрисида»ги қарорни имзолади. Қарорнинг олтинчи бандида Ўзстандарт агентлигига: Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, бошқа манфаатдор вазирлик ва идоралар билан биргаликда йигирма кун муддатда республикада халқаро стандартларни, шу жумладан «ISO 22000», «Ҳалол» стандартларини жорий этиш ва кейинчалик қўллаш бўйича чора-тадбирлар дастурини Вазирлар Маҳкамасига киритсин, деб қайд этилди.

2017 йил 8 ноябрь. Самарқандда Калом ва Ҳадис мактабларининг очилиш маросими бўлиб ўтди.

2017 йил, 10 ноябрь. Бухоро вилоятида жойлашган Мир Араб олий мадрасаси ҳузурида Баҳоуддин Нақшбанд тасаввуф илмий мактаби очилди.

2017 йил 10 ноябрь. Қашқадарё вилоятида “Абу Муъин ан-Насафий” номидаги ақида илми мактабининг очилиш маросими бўлиб ўтди.

2017 йил 11 ноябрь. Тошкент халқаро аэропортида мусулмонлар учун намозхона очилди.

2017 йил 13 ноябрь. Ўзбекистон Мусулмонлар идораси тасарруфидаги диний таълим муассасалари қошида пуллик ўқув курслари ташкил этилиши ҳақида буйруқ қабул қилинди. Буйруқда ЎМИ тасарруфидаги олий ва ўрта махсус таълим муассасаларида 2017-2018 ўқув йилидан бошлаб Қуръони карим ва тажвид ҳамда араб тили фанларини ўргатувчи пуллик ўқув курслари ташкил этилиши, ушбу курсларнинг муддати 1 декабрдан бошлаб 6 ой давомида амалга оширилиши белгиланди.

2017 йил 13 ноябрь. Фарғонада Ўзбекистон мусулмонлари идораси томонидан Ислом ҳуқуқи мактаби ташкил этилди.

2017 йил 25 ноябрь. Янги давлат стандартига кўра, 2018 йил 1 январь эътиборидан расман кучга кирадиган қоидаларда ҳар бир меҳмонхонада Қуръони карим, ибодат қилиш учун жойнамоз (меҳмонхона номерларининг энг камида 10 фоизида) ва қибла кўрсаткичи (меҳмонхона номерларининг энг камида 30 фоизида) бўлиши шарт этиб белгиланди.

2017 йил 29 ноябрь. Ўзбекистон Мусулмонлар идораси буйруғига кўра, Қорилар мусобақаси ҳар бир туманда ўтказиладиган, унда ЎМИ тасарруфидаги ўқув юртларидан бўлмаганлар ҳам иштирок эта оладиган бўлди.

2017 йил 6 декабрь. Ўзбекистонда илк бор исломий “AzonFM” онлайн радиоси фаолият бошлади.

2017 йил 15 декабрь. Ўзбекистон Республикаси президентининг “Ўзбекистон Ислом академиясини ташкил этиш чора-тадбирлари тўғрисида”ги қарор эълон қилинди. Ўзбекистон Ислом академияси ҳузурида магистратура (2 йил), таянч докторантура (3 йил) ва докторантура (3 йил) фаолият юритади.

2017 йил 28 декабрь. Қурбон ҳайит ва Рамазон ҳайит байрамларининг муҳимлиги ва аҳамиятини инобатга олган ҳолда, миллий-маънавий қадриятларимизни юксалтириш ва сақлаб қолиш мақсадида 2018 йилдан бошлаб айрим дам олиш кунларини байрам кунларига яқин бўлган иш кунларига кўчириш ҳисобига узлуксиз уч кунлик дам олиш кунлари белгиланди.

2017 yil diniy-ma’rifiy sohada ham islohotlarga, yaxshi xabarlarga boy yil bo‘ldi. O‘tayotgan yilda diniy-ma’rifiy sohadagi o‘zgarishlar aks etgan eng asosiy yangiliklarni eslab o‘tamiz.  

2017 yil 17 yanvar. 2017 yildan o‘zbekistonlik fuqarolar uchun haj kvotasi 7200 nafar qilib belgilandi (ilgari bu ko‘rsatkich 5200 nafar edi).

2017 yil 14 fevral. Imom Termiziy xalqaro ilmiy-tadqiqot markazini tashkil etish chora-tadbirlari to‘g‘risida O‘zbekiston Respublikasi Prezidentining Qarori imzolandi.

2017 yil 31 may. 2017 yildan o‘zbekistonlik fuqarolar uchun umra kvotasi 10000 nafar qilib belgilandi (ilgari bu ko‘rsatkich 6000 nafar edi).

2017 yil 27 iyul. O‘zbekiston Musulmonlari idorasi tomonidan tafsir, aqida, fiqh, hadis sharhi, tajvid va arab tili fanlaridan onlayn darslar tashkil etildi.

2017 yil 2 avgust. «O‘zbekiston Respublikasi Vazirlar Mahkamasi huzuridagi O‘zbekistondagi Islom madaniyati markazi faoliyatini tashkil etish to‘g‘risida» O‘zbekiston Respublikasi Vazirlar Mahkamasining qarori qabul qilindi.

2017 yil 6 sentyabr. Buxorodagi Bahovuddin Naqshband majmuasida yangi tashkil etilgan Buxoro Oliy madrasaning ochilish marosimi bo‘lib o‘tdi.

2017 yil 13 sentyabr. «O‘zbekiston» teleradiokanalining «Hidoyat sari» studiyasi va Toshkent Islom universiteti «Ziyo media markazi» faoliyatini tashkil etish chora-tadbirlari to‘g‘risida» O‘zbekiston Respublikasi Vazirlar Mahkamasining qarori qabul qilindi.

2017 yil 14 sentyabr. Toshkent islom institutida oliy diniy o‘quv yurtidan keyingi ta’lim – islom fanlari bo‘yicha falsafa doktori (PhD) ilmiy darajasini berishni nazarda tutuvchi tayanch doktorantura hamda islom fanlari bo‘yicha fan doktori (Doctor of Science) ilmiy darajasini berishni nazarda tutuvchi doktorantura tizimi tashkil etildi.

2017 yil 30 sentyabr. Respublikamizda faoliyat yuritayotgan ikki mingdan ziyod masjidlarni oliy diniy ma’lumotga ega imom-xatiblar bilan ta’minlash maqsadida Imom Buxoriy nomidagi Toshkent islom institutida Maxsus sirtqi bo‘lim tashkil etildi.

2017 yil 30 sentyabr. Diniy-ekstremizm faoliyatiga adashib jalb qilingan shaxslardan 16 mingdan ziyodi huquqni muhofaza qilish organlari «qora ro‘yxati»dan chiqarildi.

2017 yil 5 oktyabr. O‘zbekiston musulmonlar idorasi tasarrufidagi diniy ta’lim muassasalariga talabalarni qabul qilish kvotalari o‘tgan yilga nisbatan ikki barobarga oshirildi.

2017 yil 18 oktyabr. Toshkent shahridagi Simpoziumlar saroyida “Islom hamjihatligi: O‘zbekiston va Ozarbayjon misolida” mavzuida xalqaro ilmiy-amaliy konferentsiya bo‘lib o‘tdi.

2017 yil 2 noyabr. O‘zbekistondagi masjidlarda ovoz kuchaytirgichlar orqali azon aytila boshlandi.

2017 yil 6 noyabr. O‘zbekistonda “Halol” standarti joriy qilindi. O‘zbekiston Respublikasi Prezidenti Shavkat Mirziyoev «Meva sabzavot mahsulotlari, uzum, poliz, dukkakli ekinlar, shuningdek quritilgan sabzavot va mevalarni mahalliy eksport qiluvchilarni qo‘llab-quvvatlash bo‘yicha chora-tadbirlar to‘g‘risida»gi qarorni imzoladi. Qarorning oltinchi bandida O‘zstandart agentligiga: O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mita, boshqa manfaatdor vazirlik va idoralar bilan birgalikda yigirma kun muddatda respublikada xalqaro standartlarni, shu jumladan «ISO 22000», «Halol» standartlarini joriy etish va keyinchalik qo‘llash bo‘yicha chora-tadbirlar dasturini Vazirlar Mahkamasiga kiritsin, deb qayd etildi.

2017 yil 8 noyabr. Samarqandda Kalom va Hadis maktablarining ochilish marosimi bo‘lib o‘tdi.

2017 yil, 10 noyabr. Buxoro viloyatida joylashgan Mir Arab oliy madrasasi huzurida Bahouddin Naqshband tasavvuf ilmiy maktabi ochildi.

2017 yil 10 noyabr. Qashqadaryo viloyatida “Abu Mu’in an-Nasafiy” nomidagi aqida ilmi maktabining ochilish marosimi bo‘lib o‘tdi.

2017 yil 11 noyabr. Toshkent xalqaro aeroportida musulmonlar uchun namozxona ochildi.

2017 yil 13 noyabr. O‘zbekiston Musulmonlar idorasi tasarrufidagi diniy ta’lim muassasalari qoshida pullik o‘quv kurslari tashkil etilishi haqida buyruq qabul qilindi. Buyruqda O‘MI tasarrufidagi oliy va o‘rta maxsus ta’lim muassasalarida 2017-2018 o‘quv yilidan boshlab Qur’oni karim va tajvid hamda arab tili fanlarini o‘rgatuvchi pullik o‘quv kurslari tashkil etilishi, ushbu kurslarning muddati 1 dekabrdan boshlab 6 oy davomida amalga oshirilishi belgilandi.

2017 yil 13 noyabr. Farg‘onada O‘zbekiston musulmonlari idorasi tomonidan Islom huquqi maktabi tashkil etildi.

2017 yil 25 noyabr. Yangi davlat standartiga ko‘ra, 2018 yil 1 yanvar e’tiboridan rasman kuchga kiradigan qoidalarda har bir mehmonxonada Qur’oni karim, ibodat qilish uchun joynamoz (mehmonxona nomerlarining eng kamida 10 foizida) va qibla ko‘rsatkichi (mehmonxona nomerlarining eng kamida 30 foizida) bo‘lishi shart etib belgilandi.

2017 yil 29 noyabr. O‘zbekiston Musulmonlar idorasi buyrug‘iga ko‘ra, Qorilar musobaqasi har bir tumanda o‘tkaziladigan, unda O‘MI tasarrufidagi o‘quv yurtlaridan bo‘lmaganlar ham ishtirok eta oladigan bo‘ldi.

2017 yil 6 dekabr. O‘zbekistonda ilk bor islomiy “AzonFM” onlayn radiosi faoliyat boshladi.

2017 yil 15 dekabr. O‘zbekiston Respublikasi prezidentining “O‘zbekiston Islom akademiyasini tashkil etish chora-tadbirlari to‘g‘risida”gi qaror e’lon qilindi. O‘zbekiston Islom akademiyasi huzurida magistratura (2 yil), tayanch doktorantura (3 yil) va doktorantura (3 yil) faoliyat yuritadi.

2017 yil 28 dekabr. Qurbon hayit va Ramazon hayit bayramlarining muhimligi va ahamiyatini inobatga olgan holda, milliy-ma’naviy qadriyatlarimizni yuksaltirish va saqlab qolish maqsadida 2018 yildan boshlab ayrim dam olish kunlarini bayram kunlariga yaqin bo‘lgan ish kunlariga ko‘chirish hisobiga uzluksiz uch kunlik dam olish kunlari belgilandi.

Мулоҳаза қўшиш


Ҳимоя коди
Янгилаш