Онанинг дуоси ўликни тургизди

Рукн: Ибрат Чоп этилган: 23.08.2017

Анас розияллоҳу анҳу айтади: “Ансорийлардан бир йигитнинг касали оғирлашиб қолди. Биз уни кўргани кирдик. Бизлар ҳали чиқиб улгурмасдан жон таслим қилди. Унинг бошида турган кампирга орамиздан бир киши тасалли бериб:

— Аллоҳ азза ва жалланинг амрига таслим бўл, — деди.

— Нима гап, ўғлим вафот этдими? — сўради кампир.

— Шундай, — деди.

— Айтаётган сўзларингиз ҳақми?

— Ҳа, — дедик. Кампир қўлларини самога кўтариб дуо қилди:

— Эй Аллоҳ! Сен Ўзинг биласан — мен ҳар қандай мушкул ва оғир кунда Ўзинг ёрдам беришингдан умидвор бўлиб Сенинг амрингга бўйсундим, пайғамбаринг Муҳаммад саллаллоҳу алайҳи ва саллам учун ҳижрат қилдим. Эй Аллоҳ! Бу мусибатни шу кунда менинг бошимга солма!

Шу пайт унинг ўғли юзига ёпиб қўйилган кийимни очиб, ўзига кела бошлади. Ҳатто ҳеч қанча ўтмай биз билан бирга ўтириб овқатланди.

Шайх Аҳмад Муҳаммад Ассофнинг “Қабасотун мин ҳаётир-Расул” китобидан Шаҳобиддин Парпиев таржимаси.

Anas roziyallohu anhu aytadi: “Ansoriylardan bir yigitning kasali og‘irlashib qoldi. Biz uni ko‘rgani kirdik. Bizlar hali chiqib ulgurmasdan jon taslim qildi. Uning boshida turgan kampirga oramizdan bir kishi tasalli berib:

— Alloh azza va jallaning amriga taslim bo‘l, — dedi.

— Nima gap, o‘g‘lim vafot etdimi? — so‘radi kampir.

— Shunday, — dedi.

— Aytayotgan so‘zlaringiz haqmi?

— Ha, — dedik. Kampir qo‘llarini samoga ko‘tarib duo qildi:

— Ey Alloh! Sen O‘zing bilasan — men har qanday mushkul va og‘ir kunda O‘zing yordam berishingdan umidvor bo‘lib Sening amringga bo‘ysundim, payg‘ambaring Muhammad sallallohu alayhi va sallam uchun hijrat qildim. Ey Alloh! Bu musibatni shu kunda mening boshimga solma!

Shu payt uning o‘g‘li yuziga yopib qo‘yilgan kiyimni ochib, o‘ziga kela boshladi. Hatto hech qancha o‘tmay biz bilan birga o‘tirib ovqatlandi.

Shayx Ahmad Muhammad Assofning “Qabasotun min hayotir-Rasul” kitobidan Shahobiddin Parpiyev tarjimasi.

Мулоҳаза қўшиш


Ҳимоя коди
Янгилаш